2021թ. հուլիսի 20-ին Երևանում «Անասնապահության զարգացում Հայաստանում՝ Հարավ-Հյուսիս» ծրագրի շրջանակներում կաթ վերամշակողների մասնակցությամբ տեղի ունեցավ աշխատաժողով՝ ազդարարելով որակի նշանի ստեղծման և դրա գործարկման մեխանիզմների վերաբերյալ քննարկումների սկիզբը:
Աշխատաժողովի առաջին մասն ընդգրկում էր ծանոթացում որակի նշանի ստեղծման ընդհանուր աշխատանքներին, հնարավոր խնդիրներին և դրանց լուծմներին:
Երկրորդ մասի ընթացքում ձևավորվեցին աշխատանքային խմբեր՝ որակի ստանդարտների հաստատման, կանոնակարգի ձևավորման և հաղորդակցման ռազմավարության մշակման ուղղություններով:
Միջոցառումն ամփոփվեց հետագա աշխատանքի ճանապարային քարտեզի մշակմամբ և ժամանակացույցի սահմանմամբ:
«Անասնապահության զարգացում Հայաստանում՝ Հարավ-Հյուսիս» ծրագիրը ֆինանսավորվում է Ավստրիական Զարգացման և Համագործակցության ծրագրային միավոր Ավստրիայի Զարգացման Գործակալության և Շվեցարիայի Զարգացման և Համագործակցության Գործակալության կողմից:
