Պատվիրատու՝ Հայաստանում Գյուղական Տարածքների Տնտեսական Զարգացման Հիմնադրամ (ՀԳՏՏԶՀ)
Նախագծի նպատակն էր ներկայացնել FREDA-ին իր գործունեության սոցիալական արդյունավետության և կայունության վերաբերյալ խորքային վերլուծություն՝ միաժամանակ բարելավելով կազմակերպության կարողությունները՝ գործունեության շարունակական բարելավման և թիրախային խմբերին ցուցաբերվող աջակցության արդյունավետության գնահատման ուղղությամբ։
Նախագիծը կենտրոնացած էր FREDA-ի և նրա ներդրումային ծրագրերի մշտադիտարկման և գնահատման վրա՝ ներառելով երկու հիմնական բաղադրիչ․
- Սոցիալական արդյունավետության գնահատում՝ FREDA-ի ներդրումների սոցիալ-տնտեսական ազդեցության վերլուծություն՝ հիմնված արժեքի շղթայի բազմապատկիչի ինդեքսի (VCMI) հաշվարկի վրա՝ թե՛ կազմակերպության ամբողջական գործունեության, թե՛ առանձին ներդրումային ընկերությունների մակարդակով։
- FREDA-ի գործունեության համապարփակ գնահատում՝ Կազմակերպության գործառույթների վերլուծություն՝ ուղղված դրա արդյունավետության, արդյունավեության, ազդեցության և կայունության գնահատմանը։
Ազդեցության գնահատումը հիմնված էր թե՛ առաջնային, թե՛ երկրորդային տվյալների հավաքագրման և վերլուծության վրա՝ ներառելով մի շարք առանցքային ուղղություններ․
- Լրացուցիչ եկամտի ձևավորում տնային տնտեսությունների և շուկայի մակարդակներում՝ համեմատած բազային տարվա ցուցանիշների հետ՝ ինչպես առանձին ներդրումային ընկերությունների, այնպես էլ FREDA-ի ներդրումային պորտֆելի համատեքստում։
- Տնային տնտեսությունների և շահագրգիռ կողմերի եկամտի կանխատեսվող աճի գնահատում՝ «նորմալ աճի» սցենարի համեմատ, նպատակ ունենալով չափել FREDA-ի ներդրումների միջոցով ստեղծված ավելացված արժեքը։
- FREDA-ի ընդհանուր գործունեության գնահատում՝ հիմնված արդյունավետության, արդյունավեության, սոցիալ-տնտեսական ազդեցության և կայունության ցուցանիշների վրա։
- FREDA-ի կողմից տրամադրվող տեխնիկական աջակցության արդյունավետության գնահատում։
- Գնահատման արդյունքներից բխող հիմնական դասեր և առաջարկություններ՝ ուղղված FREDA-ի ռազմավարական ծրագրերի և գործողությունների ապագա բարելավմանը։