Աշխատանքային այցով Մոլդովայում գտնվող «Ռազմավարական զարգացման գործակալություն» ՀԿ-ի «Ոլորտների թվայնացում հանուն մրցունակության» (RECONOMY) ծրագրի թիմը հունիսի 19-ին Քիշնևում հանդիպում է ունեցել մոլդովական ՄԿՈՒ դպրոցի ներկայացուցիչների հետ։
Կողմերը քննարկել են միջին մասնագիտական կրթության ոլորտի խնդիրները, համագործակցության շրջանակները, մոլդովական կողմի կարիքները և RECONOMY ծրագրի շրջանակներում փորձի փոխանակման և աջակցության տրամադրման հնարավորությունները։
Հունիսի 23-ին «Ռազմավարական զարգացման գործակալություն» ՀԿ-ի պատվիրակությունը հանդիպել է Մոլդովայի ներքին և ներգնա զբոսաշրջության ազգային ասոցիացիայի՝ «ԱՆՏՐԻՄ»-ի գործադիր տնօրեն Ելենա Ստեպանովի հետ։
Հանդիպմանը քննարկվել են զբոսաշրջության ոլորտում թվային գործիքների և նորարարական տեխնոլոգիաների կիրառման, ոչ ֆորմալ կրթության մեխանիզմների ներդրման միջոցով մասնագետների վերապատրաստման և մրցունակության բարձրացման հնարավորությունները և RECONOMY ծրագրի շրջանակներում փոխգործակցության ուղիները։
Կողմերի միջև ստորագրվել է համագործակցության հուշագիր։
