«Նորարարական անասնապահություն․ կենդանիների նախրաքաշ, բուծում և շուկաներ» (INLIMA) ծրագրի շրջանակում Ավստրիա իրականացված ուսումնական այցի ընթացքում Ավստրիա իրականացված ուսումնական այցի ընթացքում ՀՀ էկոնոմիկայի նախարարության, «Ռազմավարական զարգացման գործակալություն» ՀԿ-ի և Cattle Breeders Austria-ի միջև ստորագրված փոխըմբռնման հուշագրի հիման վրա՝ Հայաստան է ներմուծվել 65 Fleckvieh ցեղի խոշոր եղջերավոր կենդանի, որոնք ձեռք են բերել ոլորտում գործող երկու ֆերմերներ։
Ավստրիայում մասնակիցները հնարավորություն ունեցան տեղում ծանոթանալու Fleckvieh ցեղի բուծման, գենետիկական ներուժի գնահատման, արտադրողականության բարձրացման և ժամանակակից բուծական ու վերարտադրողական տեխնոլոգիաների կիրառման փորձին։ Այցի ընթացքում ստորագրված փոխըմբռնման հուշագիրը ևս հիմք է ստեղծել Հայաստանի և Ավստրիայի մասնագիտական կառույցների միջև այս ուղղություններով երկարաժամկետ համագործակցության համար։
Կենդանիների բաշխումն իրականացվել է վիճակահանությամբ՝ ապահովելով, որ յուրաքանչյուր ֆերմեր ստանա իր ձեռք բերած կենդանիներին՝ նախապես սահմանված կարգով։ Այս փոքր, բայց հետաքրքիր դրվագը խորհրդանշում է նաև ծրագրի մոտեցումը՝ միջազգային փորձը ոչ միայն ուսումնասիրել, այլև այն վերածել տեղում կիրառվող լուծումների։
Fleckvieh-ը համարվում է երկակի նշանակության ցեղ՝ համադրելով կաթնատվության և մսատվության ներուժը։ Նման գենետիկական նյութի ներմուծումը կարող է նպաստել հայկական նախիրների որակական բարելավմանը, արտադրողականության բարձրացմանը և ժամանակակից բուծման մեթոդների առավել լայն կիրառմանը։
INLIMA-ի շրջանակում սա մեկուսացված նախաձեռնություն չէ։ Այն Ավստրիայում սկսված փորձի փոխանակման՝ Հայաստանում գործնական կիրառության վերածվելու հաջորդ քայլն է՝ միջազգային մասնագիտական համագործակցությունից դեպի ֆերմա, իսկ ֆերմայից՝ Հայաստանի տավարաբուծության երկարաժամկետ զարգացման ներուժ։
«Նորարարական անասնապահություն․ կենդանիների նախրաքաշ, բուծում և շուկաներ» (INLIMA) ծրագիրն իրականացվում է «Ռազմավարական զարգացման գործակալություն» ՀԿ-ի կողմից՝ Ավստրիական զարգացման և համագործակցության ծրագրային միավոր Ավստրիական զարգացման գործակալության ֆինանսավորմամբ: