«Ռազմավարական զարգացման գործակալություն» ՀԿ ծրագրային թիմը, ինչպես նաև ներկայացուցիչներ գործընկեր Հայաստանի Ազգային Ագրարային Համալսարանից, Հայաստանի Պանրագործների միությունից և Հայկական Տուրիզմի Ֆեդերացիայից՝ հուլիսի 26-29 գտնվում էին Վրաստանի մայրաքաղաք Թբիլիսիում՝ փորձի փոխանակման այցով։
Այցի նպատակն էր հանդիպել համապատասխան ոլորտների մի շարք կազմակերպությունների և ասոցիացիաների ներկայացուցիչների հետ՝ փորձի փոխանակման և հետագա համագործակցության, ինչպես նաև համատեղ ծրագրեր/նախաձեռնություններ իրականացնելու համար: Փոխանակման այցն իրականացվել է RECONOMY «Հմտությունների և գիտելիքի զարգացում» պիլոտային ծրագրի շրջանակներում:
Այցի մասնակիցները այցելեցին մի շարք պետական և մասնավոր կազմակերպություններ, ինչպիսիք են՝ Վրաստանի Ագրարային Համալսարանը, Վրաստանի Պանրի Ասոցիացիա, Վրաստանի Ֆերմերների Միություն, «Ձեռնարկություն Վրաստան», Սննդի ազգային գործակալություն, Պետական գյուղատնտեսական լաբորատորիա, Վրաստանի զբոսաշրջության ազգային վարչություն, Վրաստանի զբոսաշրջության ասոցիացիա, «Ագրոհաբ» կաթի վերամշակման արտադրամաս, Վրաստանի «Կարիերայի կողմնորոշում» ՀԿ, ինչպես նաև հանդիպեցին Վրաստանում հեղինակություն վայելող, անհատ շեֆ-խոհարարների հետ։
Reconomy-ն Sida-ի տարածաշրջանային ներառական և կանաչ տնտեսական զարգացման ծրագիր է, որն իրականացվում է HELVETAS Swiss Intercooperation-ի կողմից՝ համագործակցելով «Ռազմավարական զարգացման գործակալություն» ՀԿ-ի և Արևելյան գործընկերության և Արևմտյան Բալկանների երկրներում գործող այլ կազմակերպությունների հետ:
