Նոյեմբերի 27-ին, WWF-Հայաստանի կողմից կազմակերպվեց ազգային խորհրդատվական խմբի երկրորդ նիստը՝ նվիրված «Հայաստանի կենդանի լանդշաֆտները շուկայի զարգացման համար» (LILA) ծրագրի արդյունքների ներկայացմանը։
Միջոցառման նպատակն էր ամփոփել հաշվետու ժամանակաշրջանում իրականացված աշխատանքներն ու ներկայացնել նախատեսվող գործողությունները։
Հանդիպմանը ներկա էին դոնոր և գործընկեր կազմակերպությունների, միջազգային գործակալությունների ու հասարակական կազմակերպությունների, տեղական ինքնակառավարման մարմինների և պետական կառույցների ներկայացուցիչներ:
Հանդիպումը ողջույնի խոսքով բացեց WWF-Հայաստանի տնօրեն պրն․ Կարեն Մանվելյանը, ում հաջորդեցին Շվեյցարիայի զարգացման և համագործակցության գործակալության (SDC) տարածաշրջանային տնօրենի տեղակալ պրն. Վերներ Թութ-Շիմոն և ՀՀ Շրջակա միջավայրի նախարարի տեղակալ պրն․ Արման Մեյմարյանը։
«Ռազմավարական զարգացման գործակալություն» ՀԿ-ի կողմից Ալլա Ղազարյանը և WWF-Հայաստանից Նաիրե Երիցյանը ներկայացրեցին «Հայաստանի կենդանի լանդշաֆտները շուկայի զարգացման համար» (LILA) ծրագրի առաջընթացը՝ տնտեսական և բնապահպանական բաղադրիչների ներքո։
«Հայաստանի կենդանի լանդշաֆտները շուկայի զարգացման համար» (LILA) ծրագիրը ֆինանսավորվում է Շվեյցարիայի կառավարության կողմից՝ Շվեյցարիայի զարգացման և համագործակցության գործակալության (SDC) միջոցով և իրականացվում է WWF-Հայասատանի կողմից՝ ՌԶԳ ՀԿ-ի հետ համատեղ:
