Սույն թվականի օգոստոսի 1-ից 3-ը տեղի ունեցան աշխատանքային հանդիպում-քննարկումներ «Ռազմավարական Զարգացման Գործակալություն» ՀԿ-ի կողմից՝ Ավստրիական Զարգացման և Համագործակցության ծրագրային միավոր Ավստրիայի Զարգացման Գործակալության ֆինանսավորմամբ իրականացվող «Անասնապահության զարգացում Հայաստանում՝ հարավ-հյուսիս 2» ծրագրի ղեկավար՝ Վահե Հովհաննիսյանի և Սիսիան, Գորայք, Գորիս և Տեղ խոշորացված համայնքների ներկայացուցիչների մասնակցությամբ:
Հանդիպման ընթացքում ծրագրի ղեկավարի կողմից ներկայացվեցին «Ռազմավարական Զարգացման Գործակալություն» ՀԿ-ի կողմից «Անասնապահության զարգացում Հայաստանում՝ հարավ-հյուսիս 2» ծրագրի շրջանակներում նախատեսված գործողությունները, քննարկվեց համայնքների հետ համագործակցության ձևաչափը և համայնքներում նախատեսված կոնկրետ միջամտությունները։
Հանդիպման ընթացքում համայնքների ներկայացուցիչներն ողջունեցին իրենց համայնքում ծրագիր իրականացնելու նախաձեռնությունը և կարևորեցին կազմակերպության կողմից իրենց համայնքներում նախորդ ծրագրերով կատարված և այս նոր ծրագրով նախատեսվող աշխատանքները։
