«Ռազմավարական զարգացման գործակալություն» (ՌԶԳ) ՀԿ-ի կողմից իրականացվող և Շվեյցարիայի Համադաշնության Զարգացման և Համագործակցության Գործակալության ու Ավստրիական Զարգացման և Համագործակցության ծրագրային միավոր Ավստրիայի Զարգացման Գործակալության կողմից ֆինանսավորվող «Անասնապահության զարգացում Հայաստանում՝ հարավ-հյուսիս» ծրագրի շրջանակներում նոյեմբերի 20-22-ը “Դուստր Մարիաննա”, “Բերդ կաթնամթերք”, “ Լոռվա Կաթ” և “Դուստր Մելանյա” ընկերությունները մասնակցում են Թբիլիսիում անցկացվող “AGRO FOOD DRINK TECH Expo Georgia 2019” սննդի և խմիչքների, փաթեթավորման և վերամշակման սարքավորումների միջազգային ցուցահանդես-վաճառքին:
Ցուցահանդեսը մեծ ճանաչում է ստացել վերջին տարիներին և հայտնի է որպես Կովկասի տարածաշրջանում սննդի և խմիչքների, ինչպես նաև փաթեթավորման և վերամշակման սարքավորումների ամենատարածված ցուցահանդեսը: Այն գրավում է մեծ թվով գնորդների, այցելուների և փորձագետների ուշադրությունը՝ մասնակիցներին տալով տարածաշրջանի զարգացող շուկաներում նոր ապրանքներ ներկայացնելու հնարավորությունը:
Էքսպոյի երեք օրերի ընթացքում մասնակիցները հնարավորություն կունենան իրենց արտադրանքը ցուցադրելու միջազգային հարթակում և ներկայանալու իրացման նոր շուկաներում:
