«Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագրի Գյուղաջակցության խորհրդատվական ծառայության AEST թիմը Վեդու համայնքապետարանում անցկացրել է հանդիպում ցուցադրական ֆերմաների պոտենցիալ շահառու ֆերմերների հետ։ Հանդիպման ընթացքում ներկայացվել են ծրագրի նպատակները, ցուցադրական ֆերմաների մոդելի առանձնահատկությունները և մասնակցության պահանջները։
Ֆերմերները Գյուղաջակցության խորհրդատվական ծառայության թիմի աջակցությամբ լրացրել են հայտերը՝ ըստ նախօրոք ներկայացված ձևաչափի։ Հանդիպման արդյունքում ձևավորվել են ծրագրին մասնակցելու պատրաստակամություն ունեցող հավանական շահառուների նախնական ցուցակներ։
IADAAM AEST թիմը շարունակելու է համագործակցությունը համայնքի հետ՝ ապահովելով գործընթացի թափանցիկությունը և մասնագիտական աջակցությունը։
«Հայաստան – Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագիրը, որը ֆինանսավորվում է Եվրոպական միության կողմից (ԵՄ) և իրականացվում Զարգացման ֆրանսիական գործակալության (ԶՖԳ) աջակցությամբ, նպատակ ունի վերափոխել ոռոգվող գյուղատնտեսությունը Հայաստանում։
ՀՀ էկոնոմիկայի նախարարության կողմից իրականացվող ծրագրի տեխնիկական աջակցության բաղադրիչն իրականացվում է «Ագրո քընսալթինգ Եվրոփ»-ի, «Ավենյու քընսալթինգ գրուպ»-ի, «Ռազմավարական զարգացման գործակալություն» ՀԿ-ի և «3 ԱՐ Ստրատեգիա» ՍՊԸ մասնակցությամբ կոնսորցիումի կողմից՝ գյուղատնտեսական քաղաքականության ամրապնդման և ոլորտային բարեփոխումների առաջխաղացման նպատակով։