ԼԻԼԱ ծրագրի շրջանակում մեկնարկած «Մարզային գիդերի և ուղեկցորդների պատրաստման» դասընթացը շարունակում է իր կարևոր առաքելությունը՝ նպաստելով զբոսաշրջային ներուժի զարգացմանը Լոռու, Տավուշի և Վայոց ձորի մարզերում։
Անցյալ շաբաթ այս մարզերում մարզերում անցկացվեցին երկօրյա գործնական վարժանքներ, որոնք պարզապես ուսուցում չէին՝ այլև իրական արկածային ու կրթական փորձառություն։ Մասնակիցները, ովքեր այս մարզերի մշտական բնակիչներ են,
- բացահայտեցին իրենց մարզերի եզակի բնությունն ու մշակութային գանձերը,
- ձևավորեցին զբոսաշրջիկներին ուղեկցելու գործնական հմտություններ,
- հաղորդակցվեցին համայնքների ներկայացուցիչների հետ՝ ուսումնասիրելով տեղի ավանդույթներն ու պատմությունները։
Վարժանքների հիմնական նպատակն էր խթանել արկածային և էկոտուրիզմի զարգացումը, ինչպես նաև ընդլայնել համայնքների ներգրավվածությունը զբոսաշրջային գործընթացներում։
Դասընթացն իրականացվում է «Տուրիզմի հայկական ֆեդերացիայի» և «Հայ զբոսավարների գիլդիայի» կողմից՝ միջազգային ստանդարտներին և որակավորման պահանջներին համապատասխան ձևաչափով։
Միասին ձևավորում ենք գիտելիքահեն և համայնքահեն զբոսաշրջության ապագան։
ԼԻԼԱ ծրագիրը ֆինանսավորվում է Շվեյցարիայի զարգացման և համագործակցության գործակալության (SDC) կողմից և իրականացվում Բնության համաշխարհային հիմնադրամի հայաստանյան մասնաճյուղի կողմից (WWF-Հայաստան)՝ «Ռազմավարական զարգացման գործակալություն» (ՌԶԳ) ՀԿ-ի հետ համատեղ: