Նոյեմբերի 30-ից դեկտեմբերի 1-ը, «Ռազմավարական զարգացման գործակալություն» ՀԿ-ի կողմից կազմակերպվեց «Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի գործընկեր քոլեջների կարիերայի պատասխանատուների համար «Հետազոտական (քանակական/որակական) բազային կարողությունների զարգացում և մանկավարժական ինտերակտիվ և նորարական մեթոդներ» թեմայով դասընթաց: Դասընթացի նպատակն էր բարելավել ՄԿՈՒ կարիերայի պատասխանատուների մասնագիտական կարողությունները:
Դասընթացին մասնակցեցին ՀՀ Լոռու, Սյունիքի, Տավուշի, Արմավիրի մարզերի և Երևանի գործընկեր ՄԿՈՒ հաստատությունների կարիերայի պատասխանատուները: Դասընթացի ընթացքում մասնակիցները ծանոթացան տվյալների հավաքագրման և վերլուծության մեթոդներին, մշտադիտարկման և գնահատման գործիքակազմերին և ֆորմալ և ոչ ֆորմալ ուսումնառության ձևերի կիրառմանը դասընթացների մշակման գործընթացում։
