«Անասնապահության զարգացում Հայաստանում՝ հարավ – հյուսիս» ծրագրի ամփոփիչ սեմինար-քննարկում

Օգոստոսի 27, 2021, Ծաղկաձորում տեղի ունեցավ «Ռազմավարական Զարգացման Գործակալություն» ՀԿ-ի (ՌԶԳ) կողմից իրականացվող և Ավստրիայի Զարգացման Գործակալության Ավստրիական Զարգացման և Համագործակցության ծրագրային միավորի և Շվեյցարիայի Զարգազման և Համագործակցության Գործակալության կողմից ֆինանսավորվող «Անասնապահության զարգացում Հայաստանում՝ հարավ – հյուսիս» ծրագրի ամփոփիչ սեմինար-քննարկում: Միջոցառման մասնակից-գործընկերների թվում էին Տավուշի, Լոռու, Գեղարքունիքի և Շիրակի մարզերի ծրագրի շահառու ֆերմերներն ու վերամշակողները, շահառու համայնքների ղեկավարներ, ինչպես նաև ՌԶԳ ՀԿ-ի աշխատակիցները:

Միջոցառման ընթացքում ծավալուն զեկույցների միջոցով ամփոփվեցին ծրագրի արդյունքները, մատնանշվեցին բոլոր ձեռքբերումները, փորձությունները և արձանագրվեցին քաղված դասերը, որոնք մեծ ներդրում կլինեն հետագա ծրագրերում  աշխատանքն էլ  ավելի կատարելագոծելու և ավելի արդյունավետ դարձնելու հարցում: Զեկուցողները բաղադրիչ առ բաղադրիչ ներկայացրեցին ծրագրի ընթացքում իրականացրած աշխատանքները՝ մասնավորապես շուկայի hասանելիության և զարգացման, ենթակառուցվածքների բարելավման,  անասնաբուժական ծառայությունների հասանելիության ուղղությամբ իրականացված գործողություններ: Ինչպես նաև ծավալվեց քննարկում ծրագրի բնապահպանական և գենդերային հարցերի շուրջ:

Միջոցառումն ամփոփվեց շնորհակալագրերի հանձմամբ՝ ՌԶԳ ՀԿ-ի նախագահ պ-ն Մկրտիչ Այվազյանի կողմից:

test

I am text block. Click edit button to change this text. Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

Կազմակերպվեց մասնագիտական գիտելիքների և կարողությունների վերաբերյալ մրցույթ

Ս.թ. սեպտեմբերի 16-ին և 18-ին «Մասնագիտական կրթության և ուսուցման (ՄԿՈՒ) զարգացում Սյունիքի մարզում» ծրագրի շրջանակներում Գորիսի պրոֆեսոր Խ. Երիցյանի անվան պետական գյուղատնտեսական քոլեջում և Սյունիքի Անասնաշուկայում կազմակերպվել էր մասնագիտական գիտելիքների և կարողությունների վերաբերյալ մրցույթ «Կաթի և կաթնամթերքի տեխնոլոգիա» ու «Անասնաբուժություն» մասնագիտությամբ սովորող ընդհանուր թվով 40 ուսանողների համար:

Ծրագիրն իրականացվում է «Ռազմավարական զարգացման գործակալություն» (ՌԶԳ) ՀԿ-ի կողմից՝ Կիրառական գիտությունների Բեռնի համալսարանի գյուղատնտեսության, անտառային և պարենային գիտությունների դպրոց (HAFL)-ի հետ համատեղ, HEKS/EPER շվեյցարական կազմակերպության աջակցությամբ:

Մրցույթին իրենց մասնակցությունն են ունեցել Երևանի զբոսաշրջության, սպասարկման և սննդի արդյունաբերության հայ-հունական պետական, Ստեփանավանի պրոֆեսոր Ա. Քալանթարի անվան պետական գյուղատնտեսական, Գավառի ակադեմիկոս Ա․Թամամշևի անվան պետական գյուղատնտեսական, Գորիսի պրոֆեսոր Խ. Երիցյանի անվան պետական գյուղատնտեսական  և Հայաստանի ազգային ագրարային համալսարանի Ա. Ե. Քոչինյանի անվան գյուղատնտեսական քոլեջների ուսանողական թիմերը:

Յուրաքանչյուր ուսումնական հաստատությունից միջոցառմանը, որպես հանձնաժողովի անդամ ներգրավվել էր 1 դասախոս, ով նախապես ընդգրկվել էր նաև մրցույթի հարցաշարի և ընթացակարգի մշակման գործընթացներում:

Միջոցառումը նպատակ ուներ խթանելու վերոնշյալ մասնագիտություններում սովորող ուսանողների գիտելիքների և հմտությունների ամրապնդմանը և ուսանողների շրջանում փորձի փոխանակմանը:

Մրցույթի ընթացում թիմերը մասնակցեցին 5 փուլերի, որոնք իրենցից ներկայացնում էին տեսական բաց և փակ հարցերի պատասխանում, գործնական առաջադրանքների, խաղային վարժությունների կատարում և իրենց մասնագիտության վերաբերյալ հաջողության պատմությունների ներկայացում:

Մրցույթի ավարտին քոլեջները պարգևատրվեցին շնորհակալագրերով՝ համապատասխան փուլ\երում լավագույնս ներկայանալու համար:

Միջոցառման ընթացքում պահպանվել են Covid-19 համավարակով պայմանավորված հակահամաճարակային անվտանգության բոլոր կանոնները:

Ոչխարի խուզ

Արդեն ավանդական դարձած Ոչխարների Խուզման Փառատոնը Հայաստանում անցկացվում է 2014 թվականից «Ռազմավարական զարգացման գործակալություն» (ՌԶԳ) հասարակական կազմակերպության կողմից: Փառատոնի հիմնական նպատակն է առավել ճանաչելի դարձնել Վայոց Ձորի, Սյունիքի, մարզերի տեղական արտադրանքը, ավանդույթներն ու մշակույթը, ինչպես նաև նպաստել զբոսաշրջության զարգացմանը: 2019 թվականին Փառատոնը ընդլայնեց աշխարհագրությունը, ներառելով մասնակիցներ նաև Տավուշի, Շիրակի, Լոռու, Գեղարքունիքի մարզերից:

«Ռազմավարական զարգացման գործակալություն» (ՌԶԳ) ՀԿ-ն առաջին իսկ տարիներից ներգրավված է եղել փառատոնի կայացման գործում, իսկ 2017-ին ստանձնել է փառատոնի կազմակերպումն ու անցկացումը «Սյունիքի Անասնաշուկայի» տարածքում:

Յուրաքանչյուր տարի փառատոնը ներառում է ոչխարների խուզման մրցույթ, խաղեր, կենդանի երաժշտություն և պարեր, ինչպես նաև ցուցահանդես-վաճառք, որտեղ Վայոց Ձորի, Սյունիքի,  Տավուշի, Շիրակի, Լոռու, Գեղարքունիքի մարզերի տեղական արտադրողները ներկայացնում են իրենց արտադրանքը` տնական սննդամթերք, խմիչքներ, ձեռագործ հուշանվերներ:

Համաձայն ավանդույթի, լավագույն խուզողները մասնակցում են մրցույթին: Փառատոնում ներառում է նաև մշակութային և փորձի փոխանակման բաղադրիչ, որի նպատակով անցկացվում է վարպետության դաս արտասահմանից  ժամանած պրոֆեսիոնալ խուզողի կողմից: Վարպետության դասի ընթացքում տեղացի ֆերմերներին հնարավորություն է ընձեռվում ծանոթանալ ոչխարների խուզման այլ տարածաշրջանների ավանդույթներին և փորձի փոխանակում իրականացնել:

Անասնաշուկա

Սյունիքի Անասնաշուկան հիմնվել է 2015թ. Ռազմավարական Զարգացման Գործակալություն ՀԿ-ի կողմից՝ «Անասնապահության զարգացում Սյունիքի մարզում» նախագծի շրջանակներում, որը ֆինանսավորվել է Շվեյցարիայի Զարգացման և Համագործակցության Գործակալության կողմից:

Նախաձեռնության նպատակն է խթանել խոշոր եղջերավոր կենդանիների առևտուրը հիմնված անասնաշուկայում, ինչը թույլ կտա գնորդներին և վաճառողներին/ֆերմերներին բերել մեկ, միասնական կազմակերպված շուկա և բարենպաստ պայմաններ ստեղծել կողմերի համար՝ իրականացնելու կենդանիների առքուվաճառքի գործարքներ:

Անասնաշուկան Սյունիքի, Վայոց Ձորի և ՀՀ այլ տարածաշրջանների ֆերմերներին և կազմակերպություններին տրամադրում է կենդանիների առևտրային գործարքներ իրականացնելու լայն հնարավորություններ: Շուկայի մասնակիցների միջև հարաբերությունները կարգավորվում են գործարկելով ինչպես ավանդական, այնպես էլ նորարարական առևտրային մոտեցումների միջոցով: Գնորդների և վաճառողների միջև կապերը համակարգելու նպատակով կիրառվում է Պայմանագրային անասնաբուծություն, որով կարգավորվում են ապրանքների որակական և քանակական հատկանիշները:

Անասնապահ ֆերմերների/վաճառողների համար առավել բարենպաստ պայմաններ ստեղծելու նպատակով անասնաշուկայում մատուցվում են կենդանիների բեռնաթափման և անասնաբուժական զննման ծառայություններ, ինչպես նաև հասանելի են կենդանիների պահպանման, ցուցադրման, կերակրման և կթի համար տարածքներ, բացօթյա և փակ անասնագոմեր՝ կենդանիների գիշերակացն ապահովելու համար:

Անասնաշուկայում գործում է վարչական/գործարար բաժին, որը շուկյաի մասնակիցների համար իրականացնում է թղթաբանական, գրասենյակային և գործարար աջակցություն, տեղեկատվական խորհրդատվություն, ինչպիսիք են մասնագիտացված դասընթացները, սեմինարները, համաժողովները և այլն, ինչպես նաև մարքեթինգային ծառայություններ՝ ներառյալ “նոր ծառայությունների/ապրանքների” մշակում և խթանում, (օր.՝ “Պայմանագրային անասնաբուծության մոդելը”), բազմապիսի պարբերական մրցույթների կազմակերպում` առաջադրելով “Լավագույն ֆերմեր”, “Լավագույն կենդանու սեփականատեր” և այլ անվանակարգեր:

Անասնաշուկայի տարածքում գործում է անասնաբուժական դեղանյութերի վաճառակետ/ցուցասրահ, որն առաջարկում է անասնաբուժական դեղանյութերի լայն տեսականի, գործիքներ և սարքավորումներ, ինչպես նաև աջակցող ծառայությունների ցանկ՝ տեղական անասնաբույժերի, ֆերմերների և այլ շահագրգիռ խմբերի համար:

Բացի կենդանիների առքուվաճառքից ագրովաճառակետ/ցուցասրահում հասանելի են նաև կենդանիների խնամքի և բուծման համար նախատեսված պարագաներ, գյուղատնտեսական մեքենա-սարքավորումներ և գործիքներ, ինչպես նաև սերմեր, պարարտանյութեր, և այլն:

Անասնաշուկայի տարածքում գործում է նաև հանրային սննդի սրահ, որը կոչված է խթանելու տեղական արտադրողներին՝ վերջիններից ձեռք բերված հումքով տեղական ավանդույթների և սովորույթների համապատասխան պատրաստված ազգային արագ սննդի մատակարարման միջոցով: