ՄԱՎԵՏԱ ծրագրի շրջանակներում կազմակերպվեցին իրազեկման այցեր մարզային դպրոցներ

Մարտի 19-20-ը «Ռազմավարական զարգացման գործակալություն» (ՌԶԿ) ՀԿ-ի «Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակներում ՄԿՈՒ համակարգող Լիլիթ Բեգլարյանը, Ստեփանավանի պետական գյուղատնտեսական քոլեջի կարիերայի պատասխանատու Կամո Ջիվանյանը և քոլեջի համապատասխան դասավանդողներ իրազեկման այց կատարեցին Լոռու մարզի Տաշիր համայնքի դպրոցներ։

9-րդ դասարանի 150 ավելի աշակերտներ հնարավորություն ունեցան տեղեկություններ ստանալ միջին մասնագիտական հաստատություններում ուսումնական գործընթացի, դուալ մոտեցմամբ կրթական ուսուցման առավելությունների, գյուղատնտեսական և/կամ այլ մասնագիտություն ընտրելու դեպքում աշխատանքի հեռանկարների վերաբերյալ։

Այնուհետև Լոռու մարզի մի քանի համայնք սպասարկող երիտասարդ անասնաբույժ՝ Աշոտ Խանումյանն աշակերտներին ներկայացրեց իր մասնագիտության առանձնահատկությունները, աշխատանքային առօրյան ու խոսեց ներկայումս աշխատաշուկայում անասնաբույժ մասնագիտության մեծ պահանջարկի վերաբերյալ։

«Վաճառքը հյուրընկալության և տուրիզմի ոլորտում» դասընթաց ԼԻԼԱ ծրագրի գործընկերների և շահառուների համար

Ս․թ․ մարտի 18-ին մեկնարկեց «Վաճառքը հյուրընկալության և տուրիզմի ոլորտում» դասընթացը, որն իրականացվում է «Հայաստանի կենդանի լանդշաֆտները շուկայի զարգացման համար»՝ ԼԻԼԱ ծրագիրի շրջանակներում:

Դասընթացը վարում է Զառա Զեյթունցյանը: Դասընթացի նպատակն է զարգացնել մասնակիցների վաճառք իրականացնելու հմտությունները և գիտելիքները, որոնց շնորհիվ նրանք կկարողանան մշակել մրցունակ վաճառքի եզակի առաջարկներ, գրագետ ներկայացնել իրենց զբոսաշրջային ծառայությունները, մեծացնել վաճառքի ծավալները և ներգրավվել նոր թիրախային շուկաներ, ինչպես նաև մշակել լոյալության ծրագրեր և պահպանել լոյալ հաճախորդներին։

Դասընթացը հնարավորություն կտա մասնակիցներին ինքնուրույն  մշակել և իրականացնել վաճառքի ռազմավարություն, իրականացնել սեփական բիզնեսների վաճառքի կանխատեսումներ և մոնիտորինգ, ինքնուրույն մշակել B2B և B2C վաճառքի առաջարկներ և կիրառել վաճառքի նոր և արդիական գործիքներ։

Դասընթացի մասնակիցները կարևորեցին նախաձեռնությունը, նշելով, որ նմանատիպ դասընթացները նաև հնարավորություն են ընձեռում փորձի փոխանակման և գործընկերային կապերի հաստատման համար։

Uncategorized

«Հայաստանի կենդանի լանդշաֆտները շուկայի զարգացման համար» ծրագրի գործընկերների միջև կապերի հաստատմանն ուղղված միջոցառում

Ս․թ․ մարտի 1-2-ը «Ռազմավարական զարգացման գործակալություն» ՀԿ-ի  կողմից Շվեյցարիայի զարգացման և համագործակցության գործակալության աջակցությամբ, Բնության համաշխարհային հիմնադրամի հայաստանյան մասնաճյուղի հետ համատեղ իրականացվող «Հայաստանի կենդանի լանդշաֆտները շուկայի զարգացման համար» (ԼԻԼԱ) ծրագրի շրջանակներում կազմակերպվեց գործընկերների միջև կապերի հաստատմանն ուղղված միջոցառում։

Միջոցառման ընթացքում ստորագրվեց 20-ից ավել փոխըմբռնման հուշագիր «Ռազմավարական զարգացման գործակալություն» ՀԿ-ի և ԼԻԼԱ ծրագրի շահառուների ու գործընկերների միջև։

Միջոցառումը մեկնարկեց Շվեյցարիայի փոխդեսպան և հավասարապես Հայաստանում Շվեյցարիայի զարգացման համագործակցության համար պատասխանատու` պարոն Վերներ Թութի ողջույնի խոսքով, որ դիմելով հանդիման մասնակիցներին ասաց,-«Այս ծրագիրը նախատեսված է բազմաթիվ մարդկանց և ընկերությունների համար, և Ձեր աշխատանքը փոխում է հայկական զբոսաշրջության դեմքն ու ապագան»։

Միջոցառման ընթացքում ներկայացվեց «Հայաստանի կենդանի լանդշաֆտները շուկայի զարգացման համար» ԼԻԼԱ ծրագրի ընթացքը, ձեռքբերումները և մինչև 2025թվ․ պլանավորված գործողությունները։

Միջոցառման մասնակիցները հնարավորություն ունեցան ծանոթանալ Հայաստանում զբոսաշրջության զարգացման ռազմավարությանը, մարզային բիզնեսներին առնչվող զբոսաշրջության քաղաքականության մասին ՀՀ նոր օրենքին և քննարկել զբոսաշրջության զարգացման հեռանկարները։

Երկօրյա միջոցառման ընթացքում ծրագրի գործընկերներն ու շահառուները ներկայացրեցին ծրագրի աջակցությամբ արդեն իրականացված կամ նախագծված բիզնես գաղափարները։

Uncategorized

Ստորագրվեց փոխըմբռնման հուշագիր ՀՀ Էկոնոմիկայի նախարարության Զբոսաշրջության կոմիտեի և «Ռազմավարական զարգացման գործակալություն» ՀԿ-ի միջև

Ս․թ  փետրվարի 19-ին Շվեյցարիայի զարգացման և համագործակցության գործակալության կողմից ֆինանսավորվող և «Բնության համաշխարհային հիմնադրամի հայաստանյան մասնաճյուղի» կողմից (WWF-Հայաստան) ` «Ռազմավարական Զարգացման Գործակալություն» (ՌԶԳ) ՀԿ-ի հետ համատեղ իրականացվող «Հայաստանի կենդանի լանդշաֆտները շուկայի զարգացման համար» ծրագրի շրջանակներում ստորագրվեց փոխըմբռնման հուշագիր ՀՀ Էկոնոմիկայի նախարարության Զբոսաշրջության կոմիտեի և «Ռազմավարական զարգացման գործակալություն» ՀԿ-ի միջև։

Կառույցների միջև հաստատված համագործակցությունը միտված է ՀՀ Լոռու, Տավուշի, Վայոց Ձորի և Սյունիքի մարզերի ծրագրի թիրախային բնակավայրերում կայուն և  ներառական զբոսաշրջությունը խթանելուն, ինչպես նաև կայուն զբոսաշրջության միջոցով էկոհամակարգերի պահպանությանը։

Հուշագրի ստորագրման ընթացքում կողմերը պատրաստակամություն հայտնեցին շարունակելու և ամրապնդելու արդյունավետ համագործակցությունն ու ապահովելու երկուստեք մասնագետների ներգրավվածություն՝ մասնագիտական խորհրդատվություն տրամադրելու և թիրախային գյուղական բնակավայրերում կայուն և բնահեն զբոսաշրջային փորձառություններ զարգացնելու համար։

Uncategorized

ՄԿՈՒ ոլորտի խթանման աշխատանքային խմբի հանդիպումը

«Ռազմավարական զարգացման գործակալություն» ՀԿ-ի նախաձեռնությամբ «Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակներում փետրվարի 15-ին տեղի ունեցավ միջին մասնագիտական կրթության և ուսուցման (ՄԿՈՒ) ոլորտում գործող դոնոր կազմակերպությունների երկխոսության հարթակի շրջանակներում ձևավորված աշխատանքային խմբի առաջին հանդիպումը։

Ողջունելով հանդիպման մասնակիցներին՝ Հայաստանում գյուղատնտեսության ոլորտում մասնագիտական կրթության և ուսուցման արդիականացում (ՄԱՎԵՏԱ) ծրագրի ղեկավար Լիլիթ Հովհաննիսյանն ընդգծեց ՄԿՈՒ ոլորտի խթանման նպատակով գործողությունների համակարգման և ընթացիկ ծրագրերի վերաբերյալ տեղեկատվության փոխանակման կարևորությունը։

«Ռազմավարական զարգացման գործակալություն» ՀԿ-ի հանրային հաղորդակցման մասնագետ Աննա Պողոսյանը ներկայացրեց «ՄԱՎԵՏԱ» ծրագրի շրջանակներում  կազմակերպության կողմից ՄԿՈՒ ոլորտում իրականացվող ռազմավարությունն ու գործողությունների պլանը։

Այնուհետև աշխատանքային խմբի անդամները ծանոթացան դոնոր  կազմակերպությունների կողմից Հայաստանում ՄԿՈՒ զարգացմանն ուղղված ծրագրերին և քննարկեցին միջին մասնագիտական կրթության խթանման համար անհրաժեշտ միջոցառումների, գործողությունների, իրազեկման արշավների կազմակերպման ու դրանց հանրայնացմանն առնչվող հարցերի լայն  շրջանակ։