2024 թվականի ապրիլի 17-ին Հայաստանում Շվեյցարիայի դեսպանությունը «Ռազմավարական զարգացման գործակալություն» ՀԿ-ի ներկայացուցիչներին հրավիրել էր Հայաստանում Շվեյցարիայի առաքելության ղեկավարի տեղակալ, նաև Հայաստանում Շվեյցարիայի զարգացման համագործակցության համար պատասխանատու` Վերներ Թուտի հրաժեշտի ընդունելությանը։

Միջոցառմանը, որը տեղի ունեցավ Հայկական բարեգործական ընդհանուր միությունում (ՀԲԸՄ), ներկա էին ավելի քան 80 հրավիրյալ՝ մի շարք նախարարություններից և պետական ​​կառույցներից, Հայաստանի խորհրդարանից, ինչպես նաև ներկայացուցիչներ միջազգային կազմակերպություններից և Հայաստանի քաղաքացիական հասարակությունից:

Միջոցառումը մեկնարկեց Հայաստանի Հանրապետությունում Շվեյցարիայի Համադաշնության արտակարգ և լիազոր դեսպան պարոն Լուկաս Ռոզենկրանցի խոսքով, ով ընդգծեց, որ Շվեյցարիայի զարգացման համագործակցության հայաստանյան պորտֆելը 2020 թվականի օգոստոսից հիմնովին փոփոխվեց՝ պայմանավորված Վերներ Թութի պաշտոնավարմամբ։ Պարոն Լուկաս Ռոզենկրանցին հաջորդեց ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը և Գերմանիայի միջազգային համագործակցության ընկերության (GIZ) հայաստանյան գրասենյակի տնօրեն Մադլեն Ռաուշենբերգերը։

«Ռազմավարական զարգացման գործակալություն» ՀԿ-ի նախագահ Մկրտիչ Այվազյանին, որպես Շվեյցարիայի զարգացման համագործակցության երկարամյա գործընկեր կազմակերպության ղեկավար, պատիվ էր ընձեռնվել՝ հանդես գալ ելույթով:

Իր խոսքում պարոն Այվազյանը շնորհակալություն հայտնեց Շվեյցարիայի զարգացման համագործակցության գործակալությանը՝ երկարաժամկետ համագործակցության համար. «Մենք խորապես գնահատում ենք այն վստահության մակարդակը, որը Շվեյցարիայի զարգացման և համագործակցության գործակալությունը (SDC) ունի մեր հանդեպ՝ ծրագրի իրականացման գործընկեր ընտրելիս: Տարիների ընթացքում մենք աշխատել են ձեռք ձեռքի տված՝ լուծելու Հայաստանի առջև ծառացած մարտահրավերները։ Մեր համատեղ ջանքերը բարելավել են բազմաթիվ մարդկանց կյանքը Հայաստանի ավելի քան 200 համայնքներում»,- ասաց պարոն Այվազյանը:

Մկրտիչ Այվազյանն ամփոփեց իր խոսքը շնորհակալություն հայտնելով պարոն Թութին Հայաստանում ներդրած բոլոր ջանքերի համար և մաղթեց ամենայն բարիք հետագա գործունեության մեջ։

Հայաստանում Շվեյցարիայի փոխդեսպան և Շվեյցարիայի զարգացման և համագործակցության գործակալության (SDC) տարածաշրջանային տնօրեն` Ուրսուլա Լաուբլին իր առաքելությունը Հայաստանում սկսեց Շվեյցարիայի Զարգացման և Համագործակցության Գործակալության (SDC) կողմից ֆինանսավորվող ծրագրերն իրականացնող գործընկեր կազմակերպությունների ներկայացուցիչների հետ հանդիպումներով։

Հանդիպումներին տիկին Լաուբլիին ուղեկցում էր իրեն նախորդող՝ պարոն Վերներ Թութը։

Նախատեսված օրակարգի համաձայն՝ այց կատարվեց «Ռազմավարական զարգացման գործակալություն» (ՌԶԳ) ՀԿ գրասենյակ, որտեղ հանդիպում տեղի ունեցավ կազմակերպության նախագահ Մկրտիչ Այվազյանի և WWF հայաստանյան գրասենյակի տնօրեն Կարեն Մանվելյանի հետ։

Հանդիպման ընթացքում քննարկվեց «Հայաստանի կենդանի լանդշաֆտները շուկայի զարգացման համար» (LILA) ծրագիրը,  ծրագրի ընթացիկ միջամտություններն ու նախատեսվող գործողությունները։