«Կլիմայի փոփոխության և անասնապահության կայուն զարգացման փոխկապակցվածությունը» թեմայով երկօրյա դասընթացի

2021 թ. հուլիսի 27-ին և 28-ին «Ռազմավարական զարգացման գործակալություն» ՀԿ-ի կողմից իրականացվող և Ավստրիայի Զարգացման Գործակալության Ավստրիական Զարգացման և Համագործակցության ծրագրային միավորի և Շվեյցարիայի Զարգազման և Համագործակցության Գործակալության կողմից ֆինանսավորվող «Անասնապահության զարգացում Հայաստանում՝ հարավ-հյուսիս» ծրագրի «Շրջակա միջավայրի վերաբերյալ իրազեկման և երիտասարդների անասնապահության ոլորտի հանդեպ հետաքրքրության բարձրացում» արշավի շրջանակներում անցկացվել է «Կլիմայի փոփոխության և անասնապահության կայուն զարգացման փոխկապակցվածությունը» թեմայով երկօրյա դասընթաց `«Ռազմավարական զարգացման գործակալություն» ՀԿ-ի Շիրակի մարզի շահառու համայնքների ակտիվ խմբերի 20 երիտասարդների համար :

Դասընթացի նպատակն էր ներգրավել երիտասարդներին անասնապահության ոլորտ կամ մասնագիտական նորարար գաղափարները ներդնել անասնապահության կայուն զարգացման համար:

Դասընթացը բաղկացած էր երկու փուլից՝ տեսական և գոծնական։

Դասընթացի առաջին օրը Գյումրիի «Ռազմավարական Զարգացման Գործակալություն» ՀԿ-ի գրասենյակում երիտասարդներին ներկայացվեց «Կլիմայի փոփոխության և անասնապահության կայուն զարգացման փոխկապակցվածությունը»  թեմայով տեսական նյութ, որը վերաբերվում էր Հայաստանի ընդհանուր էկոլոգիական վիճակին, ջրի և օդի աղտոտվածության հիմնախնդիրներին և, թե ինչպես մարդկանց կողմից բնական ռեսուրսների սխալ օգտագործումը կարող է առաջ բերել  բնապահպանական լուրջ աղետների՝ նպաստելով կլիմայի փոփոխությանը։

Դասի ընթացքում ներկայացված նյութը առավել պատկերավոր դարձնելու համար երիտասարդները տեղեկատվական այց կատարեցին Ազատան համայնքի անասնապահական ֆերմա, որտեղ երիտասարդները արձանագրեցին ջրախնայող, էներգախնայող, վնասակար արտանետումների նվազագույնի հասցնող տեխնոլոգիաների կիրառման կարևորությունը:

Դասընթացի երկրորդ օրը մասնակիցները ճանաչողական այց կատարեցին «Անասնապահության զարգացում Հայաստանում՝ հարավ-հյուսիս» ծրագրի շրջանակներում հիմնված Սալուտ գյուղի անասնաբուժական կետ, որտեղ ներկայացվեց անասնաբուժական կետերի բնապահպանական ռիսկերը (անասնաբուժական թափոնների հավաքում, առանձնացում, վնասազերծում) և դրանց կառավարման մեխանիզմները թեմայով տեղեկատվական նյութ:

Դասընթացն ամփոփվեց «Երազանքի համայնք» խմբային խաղով: Խմբերը ներկայացրեցին, իրենց կողմից նախագծված համայնքները, որոնք կնպաստեն անսանապահության կայուն զարգացմանը:

«Արոտաշրջանառության ժամանակացույցի մշակում/արդիականացում» թեմայով սեմինար Գյուլագարակում

Սույն թվականի օգոստոսի 6-ին ՀՀ Լոռու մարզի Գյուլագարակ խոշորացված համայնքի համայնքապետարանում ՏԻ մարմինների և արոտօգտագործողների համար տեղի ունեցավ «Արոտաշրջանառության ժամանակացույցի մշակում/արդիականացում» թեմայով դասընթացը՝ «Լոռու և Շիրակի մարզերում արոտների և խոտհարքների քարտեզների փորձարկման աշխատանքների և ակնկալվող արդյունքների ներկայացում» պիլոտային ծրագրի շրջանակներում:

Անցկացված ուսուցողական դասընթացի նպատակն էր ՏԻ մարմիններին՝ համայնքային բնակավայրերի վարչական ղեկավարներին և արոտօգտագործող տնտեսվարողներին ներկայացնել համայնքային բնակավայրերի մակարդակով իրականացվող արոտավայրերի հերթափոխային արածեցման կարգի, և արոտաշրջանառության ժամանակացույցի մշակման ընթացակարգերը:

Ընդհանուր առմամբ դասընթացին մասնակցեցին Գյուլագարակ խոշորացված համայնքի 17 վարչական ղեկավարներ, արոտօգտագործողներ և համայնքային այլ մասնագետներ ու ծրագրի ներկայացուցիչներ:

Հիշեցնենք, որ ծրագիրը ֆինանսավորվում է ԳՄՀԸ ԷԿՈՍԵՐՎ ծրագրի կողմից, Շվեյցարիայի զարգացման և համագործակցության գործակալության ֆինանսավորմամբ, «Ռազմավարական զարգացման գործակալություն» ՀԿ-ի կողմից իրականացվող «Անասնապահության զարգացում Հայաստանի հարավում» ծրագրի համաֆինանսավորմամբ։

«Անասնաբույժների ազգային ասոցիացիա» ՀԿ-ի անդամ անասնաբույժների վերապատրաստման դասընթաց «ԽԵԿ-ի կեսարյան հատում և կտրիչ հատում» թեմաներով

2021 թ. օգոստոսի 4-5-ին «Ռազմավարական զարգացման գործակալություն» ՀԿ-ի կողմից իրականացվող և Ավստրիայի Զարգացման Գործակալության Ավստրիական Զարգացման և Համագործակցության ծրագրային միավորի և Շվեյցարիայի Զարգազման և Համագործակցության Գործակալության ֆինանսավորվող «Անասնապահության զարգացում Հայաստանում՝ Հարավ-Հյուսիս» ծրագրի աջակցությամբ և «Անասնաբուժների ազգային ասոցիացիա» ՀԿ-ի (ԱԱԱ) երկկողմ նախաձեռնությամբ «Սյունիքի անասնաշուկայում» անցկացվեց «ԽԵԿ-ի կեսարյան հատում և կտրիչի հատում» թեմաներով վերապատրաստման դասընթաց՝ «Անասնաբույժների ազգային ասոցիացիա» ՀԿ-ի անդամ  անասնաբուժների կարողությունների և հմտությունների զարգացման նպատակով:

Դասընթացին մասնակցել են ընդհանուր թվով 18 անասնաբույժ: Որպես դասընթացավար հրավիրվել է ՀՀ էկոնոմիկայի փոխնախարար պրն. Տ. Գաբրիելյանը, ով հանդիսանում է նաև ԱԱԱ անդամ:

Երկօրյա դասընթացը բաղկացած է եղել տեսական և գործնական մասերից: Առաջին օրը տրամադրվել է տեսական մասին, որի ընթացքում մասնակիցներին ներկայացվել է կեսարյան և կտրիչի հատումների ցուցումները, նախավիրահատական, բուն վիրահատական և հետվիրահատական գործողությունները և դրանց առանձնահատկությունները: Տեսական մասը անցել է մասնագիտական քննարկումների և հարց ու պատասխանի ձևաչափով: Առաջին օրվա ընթացքում տեղի է ունեցել նաև ասոցիացիայի հետագա աշխատաքների ներկայացում և քննարկում, որի ժամանակ շեշտադրումը եղել է մասնագետների սերտեֆիկացման հարցի լուծման վրա:

Հանդիպման երկրորդ օրը եղել է գործնական՝ հիվանդ կենդանու վիրահատություն, որի ընթացքում մանրամասն ներկայացվել է կեսարյան և կտրիչի հատման տեխնիկաները: Մասնակիցները ամրապնդել են տեսական գիտելիքները և ձեռք են բերել վիրահատություն կատարելու գործնական հմտություններ: Ամբողջ վիրահատական միջամտության ընթացքում անասնաբուժները ցուցաբերել են ակտիվ մասնակցություն և իրականացրել են որոշ միջամտություններ:

Արոտավայրերի մշտադիտարկման և կայուն կառավարման կարգերի կիրառման ուղղությամբ կատարված աշխատանքների ներկայացում և ամփոփում

28-29.07.2021թ-ին  «Ռազմավարական զարգացման գործակալություն» ՀԿ-ի կողմից իրականացվող և Ավստրիայի Զարգացման Գործակալության Ավստրիական Զարգացման և Համագործակցության ծրագրային միավորի և Շվեյցարիայի Զարգացման և Համագործակցության Գործակալության ֆինանսավորվող «Անասնապահության զարգացում Հայաստանում՝հարավ-հյուսիս»  և «Անասնապահության զարգացում Հայաստանի հարավում» ծրագրերի շրջանակներում  Սյունիքի մարզի Տաթև համայնքի  «Սյունիքի անասնաշուկա» ուսումնացուցադրական կենտրոնում իրականացվեց արոտների մշտադիտարկման և կայուն կառավարման կարգերի կիրառման ուղղությամբ կատարված աշխատանքների ներկայացում, ամփոփում և փորձի փոխանակում, ծրագրերի Սյունիքի, Վայոց Ձորի, Շիրակի, Լոռու մարզերի շահառու համայնքների ներկայացուցիչների մասնակցությամբ։

Հանդիպման ընթացքում ծրագրերի աշխատակիցները ներկայացրեցին շահառու համայնքներում իրականացված աշխատանքները, ամփոփվեցին արդյունքները, ինչպես նաև վերհանեցին քաղված դասերն ու մշտադիտարկումների արդյունքում գրանցված խնդիրները:

Հանդիպում-քննարկման ընթացքում համայնքների ներկայացուցիչների ուշադրությունը ևս մեկ անգամ սևեռվեց արոտների կայուն կառավարման կարգերի կիրառման կարևորությանը և մշտադիտարկումների իրականացման անհրաժեշտությանը:

Մշտադիտարկումների իրականացման մեխանիզմներին ծանոթացնելու և արդեն իսկ ունեցած գիտելիքն ամրապնդելու նպատակով մասնակիցներին ցուցադրվեց և նրանց կողմից գործնականում իրականացվեց դաշտային պայմաններում արոտային ենթակառուցվածքների մոնիթորինգային գնահատում:

Հանդիպման մասնակիցները ներկայացրեցին  իրենց տեսակետներն, մոտեցումներն ու ձեռք բերած փորձը, տարբեր մարզերում բնակչության հետ տարվող աշխատանքն ու արոտօգտագործողների վերաբերմունքը՝ արոտների կայուն կառավարման գործընթացներին։

«Հաշվետվություններ կազմելու հմտություններ» թեմայով դասընթաց

2021 թվականի հուլիսի 22-24-ին ՌԶԳ ՀԿ-ի աշխատակիցների մասնակցությամբ Սյունիքի Անասնաշուկայի դասընթացների սրահում տեղի ունեցավ երկօրյա դասընթաց՝ «Հաշվետվություններ կազմելու հմտություններ» թեմայով, որը վարում էր հրավիրված փորձագետ՝ Լ. Արզոյանը:

Դասընթացի նպատակն էր ինտենսիվ ուսումնական կուրսի շրջանակներում կատարելագործել և ավելի արդյունավետ դարձնել ՌԶԳ ՀԿ-ի աշխատակիցների հաշվետվողական հմտությունները: Օրակարգն ընդգրկում էր ինչպես ներածական նյութեր, հաշվետվության կառուցվածքային նրբություններ, այնպես էլ մեթոդաբանական և ոճաբանական ուղեցույցեր:  Տեսական գիտելիքների փոխանակմանն ու ինտերակտիվ քննարկումներին հաջորդեց գործնական թիմային աշխատանքը, որտեղ ներդրվեց դասընթացի շրջանակներում ձեռք բերված գիտելիքներն ու հմտությունները:

Դասընթացն ավարտվեց նյութի ամփոփմամբ և եզրափակիչ խորհրդատվությամբ: